好多人都會為相處之道而討論

無論友情, 愛情, 親情都有不同之處

其實你同一個人由友情到愛情再到親情

相處不其言只係一個信字

只要信就唔會有猜疑唔會用假面具示人

而第二個係愛字

愛係將另一個人融入自己的生活

而且係不能或缺的

而第三個係蠢字

當知道一樣他做對唔住你的事, 要突然蠢唔知道咩事

有齊三樣, 只要個心仲有你/妳存在

有10年20年長相思守唔難

就算分都係好朋友, 我清楚

但少一樣都會好痛苦

因為我都係過來人

神奇的生命, 恭喜恭喜

早排好多唔好的事發生

真係唔到你唔信

我條黑曜石一斷就即刻發生

不過都過去了, 不提也罷

今日返夜晚

一早就起左身, 食過早餐

就整理一下我理財大計

食過午飯就睇2012

看完人性自私同生死的一刻

本來個人好感足

看完心情都未回復過來

一個sms "阿清生左啦!"

突然覺得生命好神奇

恭喜阿河同阿清仲有子仟

多左一個仔仔同細佬

希望大家都健健康康

創造歷史傳奇一刻

今日都幾開心

開心係因為我知我唔只一個師父

係有幾個師父對我好

我一定要好好珍惜同努力

香港今日都好開心

開心係因為香港足球創造歷史傳奇一刻

今屆無論準備都開幕時都不段有不好的新聞

到取得好成績都不過將功補過

但足球的魔力真的好勁

各位男性如果係70至80年代出世的

就會係對香港足球興衰的感慨

早幾日知道入決賽已經好興奮

今日仲可以追和十二碼再嬴

全場三萬幾人同電視機的你

一定會比劉翔取金牌更開心同興奮

更振奮每個熱愛足球熱愛香港的人

今晚訓唔著@@

爸爸過左澳門兩星期了, 家姐加班加左兩星期了

媽媽返夜班返左兩星期了, 我自己一個在家兩星期了

我掛住啲住家飯, 我掛住有罵下我

我掛住有人煩下我, 我掛住有人關心下我

我掛住啲好耐唔見的朋友

我掛住我掛住掛住"悶"

我已經好幾年無探過醫生嚕@@!

明天因有事要請假, 見個鼻有少少唔妥就去探下佢啦!

去到評估室問問我身體狀況同生活習慣

個姑娘有靚有短裙咁, 仲同我量血壓

一叫我量血壓即刻高左少少

我仲講笑可能見倒妳啦! 佢無理我叫我量多次

結果一樣@@

過左陣去到醫生房, 聽下心口聽下背脊咁

再量多之血壓, 又係偏高

再照照個鼻, 係鼻膜炎

出去等等, 好番要再來量多次

要多啲休息同小心飲食

出去等攞藥

去到配藥處, 嘩! 有十包藥要食三日

走時靚靚短裙姑娘仲叫記得番來量血壓

跟住仲同我bye bye~~!